Тәүәкәндәр Теләүембәт күптармаҡлы ауыл клубында Әсәләр көнөнә арналған байрам кисәһендә ҡатнашты. Балалар тәрбиәләп үҫтереүсе, күңел йылыһын, наҙын һаҡлаған иң ҡәҙерле кешеләр — Әсәйҙәргә бағышланды моңло йырҙар, йөрәкте йылытҡан шиғри һүҙҙәр, дәртле бейеүҙәр һәм тәрән мәғәнәле сығыштар. Байрам кәйефе һәр кемде үҙенә әйҙәп, өй йылыһын, әсәй йөрәге йомшаҡлығын иҫкә төшөрҙө.
Тәүәкән күптармаҡлы ауыл клубында изге байрамға арналған «Әсәнән дә бөйөгөрәк бармы ҡәҙерле исем» байрам концерты үтте. Байрам сараһына күп балалы әсәләр, һалдат әсәләре, мобилизацияға эләккән, махсус хәрби операцияла ҡатнашыусы ир-егеттәрҙең ҡатындары, әсәләре һәм башҡа гүзәл заттар, ауылдаштар саҡырылды.