10:02 Армияға китә егеттәр! | |
| Борондан Ватан алдындағы изге бурысты үтәү иң оло дәрәжә, сауаплы эш һаналды. Йәш кешенең хәрби әҙерлек үтеүе уның сәләмәт, көслө, илһөйәр булыуын раҫлаған. Егеттәр ошо осорҙа етди һынауҙар үтеп, тормош тәжрибәһен туплап, физик яҡтан ғына түгел, рухтары ла нығынып ҡайта һәм ғаиләһенә ышаныслы, ныҡлы терәк була. Тәүәкән мәҙәниәт йортонда армияға көҙгө саҡырыуға йыйынған егеттәр менән осрашыу кисәһе үтте. Тәүәкән егеттәре - Әлфир Шәһәров, Руфат Рафиҡов, Денис Султанов, Бикестән Айнур Ҡотлогилдин саҡырылды. Егеттәрҙе ҡотлап Теләүембәт ауыл биләмәһе Хакимиәте башлығы Ҡаразбаев Б.Ғ. изге теләктәрен, бүләктәрен еткерһә, Фирзәр Әбдрәхимов, Рөстәм Әбдрәхимов, Замир Харрасов музыкаль бүләктәрен еткерҙеләр, кисәне ойоштороусы Гөлдәр Әбдрәхимова алып барҙы, буласаҡ һалдаттарға төрлө һынауҙар тәҡдим итте, матур теләктәрен еткерҙе. МХОнан ваҡытлыса ялға ҡайтҡан Бикес егете лә беҙҙең менән осрашыуға килде. Яу яланындағы һалдаттарға ауыл халҡы тарафынан әҙерләнгән йылы ойоҡбаштар, маскировка сеткалар тапшырҙылар ауыл активтары. Беҙҙең һалдаттар армияны ысын сынығыу мәктәбе тип һанап, сафҡа баҫҡандар икән, шул ышаныстары, изге ниәттәре һүнмәһен, көслө рухтары һынмаһын ине. Әсәй, атай йортона егеттәребеҙҙән тик һөйөнөслө хәбәрҙәр генә килһен, имен-аман әйләнеп ҡайтһын үҙҙәре! IMAGE1$     | |
|
| |
| Всего комментариев: 0 | |